اینانیب گلمــــــــــــــه آقا!!
اگر چي من سنه بير عومر ارادت ايلميشم
اليمي دوت كمك ايله كي غفلت ايلميشم
اگر ديديم سنه من عاشقم يالان دئميشم
مني باغيشلا بو قدري جسارت ايلميشم
قوشولموشام گوزي باغلي هامي گليب گئدنه
چوخيلا بيلمييب عهد اخوت ايلميشم
گئجه گونوز اوخورام گر چي من دعاي فرج
عملده دشمن دينيله بيعت ايلميشم
منيم يولوم هارا سيز گورسدن مسير هارا
ريا اولوب نه كي ذكر عبادت ايلميشم
يامان گونومده سني بيلمشم پناه اوزومه
هاچان خوش اولموشام اغياري دعوت ايلميشم
نماز وقتي دعا ايتمشم كي سن گلسن
همان زاماندا ولي بوللي غيبت ايلمشم
حرام سفرلرين ياغلي لقمه سين يئميشم
بير آي اوروجلوقا بير يئرده نيت ايلميشم
آليبدي دوره مي مين اوزلیلر اليمدن دوت
باغيشلا عشقيمي اغياره قسمت ايلميشم
نولار اجل وئره مهلت منه چاتام كامه
دييم جماليني يارين زيارت ايلميشم
هوشمند 90.4.29